ສັນຍາ ຊື້-ຂາຍຄຳຜ່ານແອັບພີເຄຊັ້ນ ຊື້-ຂາຍຄຳສະສົມເທຶ່ອລະໜ້ອຍ
ຄູ່ສັນຍາເຂົ້າໃຈ ແລະ ຕົກລົງວ່າ.
ແອັບພິເຄຊັ້ນ KPV gold ມີຂຶ້ນເພື່ອເປັນຊ່ອງທາງ ແລະ ອຳນວຍຄວາມສະດວກໃຫ້ລູກຄ້າສົ່ງຄຳສັ່ງຊື້ຂາຍຄຳໃຫ້ແກ່ບໍລິສັດ. ເພື່ອເຮັດການຊື້ຂາຍຄຳລະຫວ່າງລູກຄ້າ ແລະ ບໍລິສັດລວມເຖິງສົ່ງຄຳສັ່ງຂໍຮັບຄຳອອກຈາກບັນຊີຊື້ຂາຍຄຳທີ່ເປີດໄວ້ກັບບໍລິສັດ ຫຼື ຄຳສັ່ງອື່ນໃດຕາມທີ່ຈະກຳນົດໃຫ້ສົ່ງຜ່ານແອັບພິເຄຊັ້ນ KPV gold ໄດ້.
ແອັບພິເຄຊັ້ນ KPV gold ຈະເຊື່ອມໂຍງກັບບັນຊີທະນາຄານຂອງລູກຄ້າທີ່ໃຫ້ໄວ້ເຖິງແອັບພິເຄຊັ້ນ KPV gold ແລະ ຂອງບໍລິສັດສຳລັບການຊຳລະ ແລະ ຮັບຊຳລະເງິນພາຍໃຕ້ການຊື້ຂາຍຄຳ.
ລູກຄ້າແຕ່ລະລາຍຈະມີບັນຊີ KPV gold ຂອງຕົນເອງ ຊຶ່ງເປັນບັນຊີຈຳລອງທາງອີເລັກໂທນິກ Virtual Account ທີ່ຈະສະແດງລາຍລະອຽດຕ່າງໆຂອງບັນຊີຊື້ຂາຍຄຳທີ່ລູກຄ້າເປີດໄວ້ກັບບໍລິສັດໂດຍການເຂົ້າເຖິງບັນຊີ KPV gold ຈະຕ້ອງຜ່ານແອັບພິເຄຊັ້ນ KPV gold ເທົ່ານັ້ນ.
ລູກຄ້າຍອມຮັບວ່າໄດ້ອ່ານ ແລະ ເຂົ້າໃຈຂໍ້ຄວາມທີ່ປະກົດເຖິງສັນຍານີ້ໂດຍຕະຫຼອດແລ້ວ ເຫັນວ່າຖືກຕ້ອງຕາມເຈດຕະນາຂອງຕົນທຸກປະການ ແລະ ເປັນທຳ. ຈຶ່ງລົງລາຍມືຊື້ດ້ວຍວິທີທາງອີເລັກໂທນິກໃນສັນຍາເພື່ອເປັນຫຼັກຖານໃນການເຂົ້າເຮັດທຸລະກຳກັບບໍລິສັດ.
ນິຍາມ.
“ບໍລິສັດ” ໝາຍເຖິງ ບໍລິສັດ KPV gold.
“ຄຳ” ໝາຍເຖິງ ຄຳແທ່ງມາດຕະຖານຄວາມບໍລິສຸດ 99,9% ພາຍໃຕ້ເຄື່ອງໝາຍຮ້ານຄ້າຂາຍ ຫຼື ຊື່ ແລະ ສັນຍາລັກຂອງບໍລິສັດ ແລະ/ຫຼືບໍລິສັດໃນເຄືອ ແລະ/ຫຼື ສາຂາ ແລະ/ຫຼືຮ້າຍຂາຍຄຳໃນເຄືອ ຄຳພູວົງ ໂດຍມີຄຸນນະພາບ ມາດຕະຖານ ແລະ ນໍ້າໜັກປະລິມານຕົງຕາມທີ່ບໍລິສັດກຳນົດ.
“ລູກຄ້າ” ໝາຍເຖິງບຸກຄົນ ແລະ/ຫຼືນິຕິບຸກຄົນຕາມກົດໝາຍ ເຊີ່ງເຮັດການຂໍເປີດບັນຊີຜ່ານແອັບພິເຄຊັ້ນ KPV gold ເພື່ອຕົກລົງເຂົ້າເຮັດທຸລະກຳກັບທາງບໍລິສັດຕາມສັນຍານີ້ ( ທັ້ງນີ້ລວມໄປເຖິງຕົວແທນ ຫຼື ບຸກຄົນອື່ນທີ່ໄດ້ຮັບມອບອຳນາດຈາກລູກຄ້າໃຫ້ປະຕິບັດແທນໃນການອອກຄຳສັ່ງ ຫຼື ການກະທຳໃດໆໃນລະບຽບສັນຍາ ) ຊຶ່ງລູກຄ້າ ຫຼື ຜູ້ຮັບມອບອຳນາດ ຫຼື ຕົວແທນໃດໆທີ່ໄດ້ຮັບການແຕ່ງຕັ້ງໂດຍລູກຄ້າຍອມຕ້ອງມີພັນທະຜູກພັນກັບບໍລິສັດຕາມສັນຍາສະບັບນີ້ ແລະ ຕາມກົດລະບຽບຕ່າງໆຂອງບໍລິສັດ ໂດຍຖືເປັນຄວາມຮັບຜິດຊອບຂອງລູກຄ້າທີ່ຕ້ອງຮັບເຖິງຜົນການກະທຳໂດຍປະຕິເສດບໍ່ໄດ້
“ລາຄາຊື້ ຫຼື ລາຄາຂາຍຄຳ” ໝາຍເຖິງ ລາຄາຊື້ ຫຼື ລາຄາຂາຍຄຳທີ່ບໍລິສັດເປັນຜູ້ປະກາດໃນແຕ່ລະຊ່ວງເວລາເທິງແອັບພິເຄຊັ້ນຊື້ຂາຍຄຳຕາມສັນຍາສະບັບນີ້ຂອງບໍລິສັດໂດຍຖືຕາມເວລາທີ່ປະກາດເກີດຂຶ້ນຈິງ ນະເວລາຊື້ຂາຍນັ້ນໆ.
“ທຸລະກຳ” ໝາຍເຖິງ ການຊື້ ຫຼື ຂາຍຄຳ ແລະ/ຫຼືການກະທຳອື່ນໃດທີ່ກ່ຽວຂ້ອງ ລະຫວ່າງ ລູກຄ້າ ແລະ ບໍລິສັດທີ່ມີການເຂົ້າຜ່ານບັນຊີລູກຄ້າເຖິງບົນແອັບພິເຄຊັ້ນ KPV gold ຫຼື ຊ່ອງທາງອື່ນທີ່ບໍລິສັດອະນຸຍາດ ໂດຍຢູ່ໃຕ້ບັງຄັບຂໍ້ກຳນົດ ແລະ ເງື່ອນໄຂທີ່ບໍລິສັດກຳນົດ.
“ບັນຊີ” ໝາຍເຖິງ ບັນຊີທີ່ມີການໃຊ້ເພື່ອຊື້ຂາຍຄຳ ຫຼື ເຮັດທຸລະກຳທີ່ກ່ຽວຂ້ອງ ທີ່ລູກຄ້າເຮັດໄວ້ກັບບໍລິສັດຜ່ານແອັບພິເຄຊັ້ນ KPV gold “ລົງລາຍມືຊື້ດ້ວຍວິທີທາງອີເລັກໂທນິກ” ໝາຍເຖິງ ການສະແດງເຈດຕະນາຂອງລູກຄ້າໃນການເຮັດທຸລະກຳທາງອີເລັກໂທນິກ ຕາມວິທີການ ແລະ ເງື່ອນໄຂທີ່ບໍລິສັດກຳນົດ ຜ່ານລະບົບການຢືນຢັນຕົວຕົນດ້ວຍລະຫັດບັນຊີສະມາຊິກຂອງລູກຄ້າ ( User Name ) ລະຫັດຜ່ານ ( Password ) ແລະ ລະຫັດສຳລັບທຳລາຍການ ( OTP ) ຂອງລູກຄ້າ ເຖິງແອັບພິເຄຊັ້ນ KPV gold ຫຼື ຊ່ອງທາງອື່ນທີບໍລິສັດອະນຸຍາດ.
Part l: ການເປີດບັນຊີ ແລະ ຂໍ້ຈຳກັດການເຮັດທຸລະກຳເທິງແອັບພິເຄຊັ້ນ KPV gold.
ລູກຄ້າຕົກລົງເປີດບັນຊີເພື່ອເຮັດສັນຍາຊື້ຂາຍຄຳ ແລະ ເຮັດທຸລະກຳກັບບໍລິສັດ ແລະ ທາງບໍລິສັດຍິນຍອມໃຫ້ລູກຄ້າເປີດບັນຊີດັ່ງກ່າວ ໂດຍລູກຄ້າເຂົ້າໃຈ ແລະ ຍອມຮັບເງື່ອນໄຂໃນຂໍ້ກຳນົດຕາມກົດລະບຽບ ແລະ ປະກາດຕ່າງໆທີ່ກ່ຽວຂ້ອງກັບການເຮັດທຸລະກຳເຖິງແອັບພິເຄຊັ້ນ KPV gold ທີ່ມີຢູ່ນະປະຈຸບັນ ແລະ ຮ່ວມໄປເຖິງທີ່ອາດຈະເກີດຂຶ້ນໃນອະນາຄົດທຸກປະການ.
ລູກຄ້າຢືນຢັນວ່າຂໍ້ມູນຂອງຕົນທີ່ໄດ້ໃຫ້ໄວ້ເພື່ອເປີດບັນຊີກັບບໍລິສັດຜ່ານແອັບພິເຄຊັ້ນ KPV gold ເປັນຂໍ້ມູນທີ່ຖືກຕ້ອງຕົງຕາມຄວາມເປັນຈິງທຸກປະການ ແລະ ລູກຄ້າເປັນຜູ້ໃຫ້ຂໍ້ມູນດັ່ງກ່າວດ້ວຍຕົນເອງແຕ່ພຽງຜູ້ດຽວໂດຍລູກຄ້າຍິນຍອມໃຫ້ບໍລິສັດກວດສອບ ແລະ ເປີດເຜີຍຂໍ້ມູນດັ່ງກ່າວກັບໜ່ວຍງານທີ່ກ່ຽວຂ້ອງ.
ພາຍຫຼັງຈາກບໍລິສັດໄດ້ອະນຸມັດໃຫ້ລູກຄ້າເປີດບັນຊີ ແລະ ອະນຸຍາດໃຫ້ລູກຄ້າເຮັດທຸລະກຳຜ່ານແອັບພິເຄຊັ້ນ KPV gold ລູກຄ້າຈະຕ້ອງເຮັດລາຍການທຸລະກຳໂດຍການໃຊ້ບັນຊີສະມາຊິກຂອງລູກຄ້າ User Name ຮ່ວມກັບລະຫັດຜ່ານ Password ແລະ ລະຫັດສຳລັບເຮັດລາຍການ OTP ເພື່ອໃຊ້ໃນການເຮັດທຸລະກຳທີ່ມີຢູ່ເທິງແອັບພິເຄຊັ້ນ KPV gold ເທົ່ານັ້ນ ແລະ ລູກຄ້າຕົກລົງ ແລະ ຍອມຮັບວ່າຄຳສັ່ງເຮັດທຸລະກຳໃດໆຂອງລູກຄ້າຕາມສັນຍານີ້ບໍ່ວ່າຜ່ານແອັບພິເຄຊັ້ນ KPV gold ເທົ່ານັ້ນ ແລະ ລູກຄ້າຕົກລົງ ແລະ ຍອມຮັບວ່າຄຳສັ່ງເຮັດທຸລະກຳໃດໆ ຂອງລູກຄ້າຕາມສັນຍານີ້ບໍ່ວ່າຜ່ານແອັບພິເຄຊັ້ນ KPV gold ຫຼື ຜ່ານລະບົບອື່ນໆທີ່ບໍລິສັດອະນຸຍາດເປັນຫຼາຍກໍລະນີ, ຫາກໄດ້ເຮັດໂດຍໃຊ້ລະຫັດບັນຊີສະມາຊິກຂອງລູກຄ້າ(User Name) ຮ່ວມກັບລະຫັດຜ່ານ(Password) ຫຼື ລະຫັດສຳລັບເຮັດລາຍການ OTP ຂອງລູກຄ້າຕາມເງື່ອນໄຂ ແລະ ວິທີການທີ່ບໍລິສັດກຳນົດໃຫ້ຖືວ່າການກະທຳຄຳສັ່ງດັ່ງກ່າວມີຜົນຜູກພັນກັບລູກຄ້າທຸກປະການ, ເຖິງແມ່ນວ່າລູກຄ້າຈະບໍ່ໄດ້ດຳເນີນການດ້ວຍຕົນເອງກໍ່ຕາມ, ຫຼືວ່າບໍ່ໄດ້ລົງລາຍຊື່ໃນເອກະສານໃດໆອັນເປັນຫຼັກຖານແຫ່ງການດຳເນີນການນັ້ນໆກໍ່ຕາມ, ລູກຄ້າຕ້ອງຕົກລົງຍິນຍອມຮັບຜິດຊອບໃນການກະທຳໃນຄຳສັ່ງດັ່ງກ່າວຄືຖືວ່າເປັນຜູ້ກະທຳດ້ວຍຕົນເອງ, ທັງນີ້ບໍ່ວ່າການກະທຳ ຫຼື ຄຳສັ່ງດັ່ງກ່າວຈະເກີດຂື້ນໂດຍເຈດຕະນາ ຫຼື ບໍ່ເຈດຕະນາກໍ່ຕາມ, ບໍ່ວ່າຈະເກີດຈາກບຸກຄົນພາຍນອກກໍ່ຕາມ ລູກຄ້າຕົກລົງຍິນຍອມບໍ່ສາມາດຍົກເອົາເຫດຜົນນີ້ມາປະຕິເສດຄວາມຮັບຜິດຊອບຕໍ່ບໍລິສັດ ບໍ່ວ່າຈະກໍລະນີໃດໆທັ້ງນັ້ນ.
ລູກຄ້າຕົກລົງເກັບຮັກສາຂໍ້ມູນຊື່ບັນຊີສະມາຊິກ(User Name) ລະຫັດຜ່ານ(Password) ຮ່ວມທັງລະຫັດສຳລັບເຮັດລາຍການ OTP ໄວ້ເປັນຄວາມລັບບໍ່ເປີດເຜີຍໃຫ້ບຸກຄົນອື່ນຮູ້ຮ່ວມທັງຈັດຫາມາດຕະການໃນການປ້ອງກັນມີໃຫ້ບຸກຄົນອື່ນຮູ້ຫຼືສາມາດໃຊ້ຂໍ້ມູນດັ່ງກ່າວໄດ້ເປັນອັນຂາດ, ໃນການເຂົ້າສູ່ບັນຊີເພື່ອເຮັດທຸລະກຳເຖິງແອັບ KPV gold ລູກຄ້າໄດ້ສຶກສາ ແລະ ຮັບຮູ້ເຖິງກົດລະບຽບ ແລະ ວິທີການໃນການເຮັດທຸລະກຳເປັນຢ່າງດີແລ້ວໂດຍບໍລິສັດໄດ້ດຳເນີນການເຊື່ອມຕໍ່ລະບົບເພື່ອໃຫ້ລູກຄ້າສາມາດບັນທຶກລາຍການທຸລະກຳຜ່ານລະບົບອີເລັກໂທນິກໄດ້ ແລະ ໃນການສົ່ງຄຳສັັ່ງເພື່ອເຮັດທຸລະກຳ, ລູກຄ້າຈະຕ້ອງບໍ່ໃຊ້ຄຳສັ່ງອື່ນນອກຈາກຊຸດຄຳສັ່ງອີເລັກໂທນິກຂອງບໍລິສັດ. ເຊິ່ງເຊື່ອມຕໍ່ເຂົ້າກັບອຸປະກອນອີເລັກໂທນິກຂອງລູກຄ້າໂດຍລູກຄ້າມີໜ້າທີ່ປ້ອງກັນບໍ່ໃຫ້ບຸກຄົນອື່ນເຊື່ອມຕໍ່ອຸປະກອນອີເລັກໂທນິກເຂົ້າກັບອຸປະກອນອີເລັກໂທນິກຂອງລູກຄ້າ, ເຊິ່ງເຮັດໃຫ້ບຸກຄົນນັ້ນສາມາດບັນທຶກ ຫຼື ສົ່ງຄຳສັ່ງເພື່ອເຮັດທຸລະກຳເຂົ້າມາໃນລະບົບຂອງບໍລິສັດໄດ້. ຫາກເກີດກໍລະນີດັ່ງກ່າວຂຶ້ນລູກຄ້າຕົກລົງເປັນຜູ້ຮັບຜິດຊອບສຳລັບຜົນ ແລະ ຄວາມເສຍຫາຍທັງໝົດເປັນການກະທຳຂອງລູກຄ້າທຸກປະການ.
ລູກຄ້າຕົກລົງຍອມຮັບຄວາມສ່ຽງທີ່ອາດຈະເກີດຂຶ້ນໃນກໍລະນີທີ່ອຸປະກອນຫຼືລະບົບອີເລັກໂທນິກທີ່ໃຊ້ໃນການສົ່ງຫຼືຮັບຄຳສັ່ງເຮັດທຸລະກຳເກີດຄວາມຂັດຂ້ອງເຮັດໃຫ້ບໍ່ສາມາດດຳເນີນການໄດ້ບໍ່ວ່າທັງໝົດ ຫຼືບາງສ່ວນໂດຍລູກຄ້າຕົກລົງ ແລະ ຍອມຮັບວ່າບໍລິສັດບໍ່ມີຄວາມຜູກພັນທີ່ຕ້ອງຮັບຜິດໃນຜົນກຳໄລ ຫຼື ຂາດທຶນ ຫຼື ຄວາມເສຍຫາຍອື່ນໆ, ຫາກເກີດກໍລະນີເຊັ່ນ:
ລູກຄ້າຮູ້ ແລະ ຍອມຮັບຫຼັກເກນ, ເງື່ອນໄຂ, ວິທີການເຮັດທຸລະກຳຜ່ານບັນຊີອິເລັກໂທນິກພາຍໃນແອັບພິເຄຊັ້ນ KPV gold ຕ້ອງເຂົ້າໃຈ ແລະ ຍອມຮັບຄວາມສ່ຽງ ແລະ ຄວາມເສຍຫາຍໃນການເຮັດທຸລະກຳອີເລັກໂທນິກທີ່ອາດເກີດຂຶ້ນເຖິງລະບົບບັນຊີຂອງຕົນເຊັ່ນ:ການເສຍຫາຍຂໍ້ມູນລະຫວ່າງທາງຄວາມລ້າຊ້າ ຫຼື ຜິດພາດໃນການເກັບຂໍ້ມູນ ແລະ ການສົ່ງຂໍ້ມູນ, ຄວາມຜິດພາດຈາກການຄາດເຄື່ອນຂອງຂໍ້ມູນໄພຄຸກຄາມທາງ Cyber Attack ຕະຫຼອດຈົນເຖິງກໍລະນີລະບົບເຄືອຄ່າຍສັນຍານຂັດຂ້ອງບໍ່ສາມາດເຮັດວຽກໄດ້ປົກກະຕິເປັນຕົ້ນ, ນອກຈາກນີ້ລູກຄ້າຍັງເຂົ້າໃຈ ແລະ ຍອມຮັບຄວາມສ່ຽງ ຫຼື ຄວາມເສຍຫາຍທີ່ມາຈາກປັດໃຈພາຍນອກອື່ນເຊັ່ນ: ອຸປະກອນອີເລັກໂທນິກຂັດຂ້ອງ, ກະແສໄຟຟ້າຂັດຂ້ອງ, ເຫດຈາກອັກຄີໄພ ພາຍຸ, ການພັກວຽກການກໍ່ຈາລະຈອນເຊັ່ນ: ການປະທ້ວງ, ສົງຄາມ, ການເຂົ້າຄວບຄຸມໂດຍອຳນາດລັດ ເປັນຕົ້ນ. ໂດຍລູກຄ້າຕົກລົງຍອມເປັນຜູ້ຮັບຄວາມສ່ຽງ ແລະ ຄວາມເສຍຫາຍດັ່ງກ່າວເອງທັງສີນ ທາງບໍລິສັດບໍ່ຕ້ອງຮັບຜິດຊອບຕໍ່ຄວາມເສຍຫາຍ, ເສຍໂອກາດ, ຜົນກຳໄລ-ຂາດທຶນ ຫຼື ອື່ນໆທີ່ເກີດຂຶ້ນຈາກເຫດດັ່ງກ່າວຂ້າງຕົ້ນໃນທຸກກໍລະນີ ບໍ່ວ່າທາງຕົງຫຼືທາງອ້ອມໂດຍປະການອື່ນໆກໍຕາມ.
Part II: ເງື່ອນໄຂການເຮັດທຸລະກຳເຖິງແອັບພິເຄຊັ້ນ KPV gold.
ລູກຄ້າຍອມຮັບວ່າການເຮັດທຸລະກຳຕາມສັນຍານີ້ມີຄວາມສ່ຽງ ແລະ ຄວາມຜັນຜວນຂຶ້ນລົງຂອງຄຳ ເຊິ່ງລູກຄ້າໄດ້ເຮັດການສຶກສາ ແລະ ເຂົ້າໃຈເປັນຍ່າງດີແລ້ວ.
ໃນການເຮັດທຸລະກຳຜ່ານແອັບພິເຄຊັ້ນ KPV gold ລູກຄ້າຍອມຮັບວ່າເປັນການເຮັດທຸລະກຳທີ່ມີມູນຄ່າຕາມຈຳນວນ ແລະ ລາຄາທີ່ຕ້ອງການຊື້ຫຼືຂາຍເທົ່ານັ້ນໂດຍຈະບໍ່ມີການກຳນົດຫຼືລະບຸໂດຍສະເພາະເຈາະຈົງວ່າເປັນການຊື້ຫຼືຂາຍໃຫ້ແກ່ຜູ້ໃດ.
ໃນການເຮັດທຸລະກຳ ລູກຄ້າຈະຊຳລະລາຄາຄ່າຊື້ ຫຼື ຮັບຊຳລະລາຄາຄ່າຂາຍ ຫຼືຮັບ-ສົ່ງມອບຄຳເຕັມມູນຄ່າຕາມຈຳນວນທີ່ມີຄຳສັ່ງໄວ້ກັບບໍລິສັດ ໂດຍການຊຳລະລາຄາຄ່າຊື້ ຫຼື ຮັບຊຳລະລາຄາຄ່າຂາຍຫຼືຮັບສົ່ງມອບຄຳເປັນໄປຕາມເງື່ອນໄຂວິທີການ ແລະ ລະຍະເວລາທີ່ບໍລິສັດກຳນົດໄວ້ຂະນະເຮັດສັນຍານີ້ແລະ ທີ່ຈະມີການປ່ຽນແປງແກ້ໄຂຫຼືເພີ່ມເຕີມໃນອານາຄົດ, ໃນກໍລະນີ ທີ່ມີການປ່ຽນແປງແກ້ໄຂເພີ່ມເຕີມໃຫ້ຖືເປັນໜ້າທີ່ຂອງລູກຄ້າທີ່ຕ້ອງຕິດຕາມ ແລະ ປະຕິບັດຕາມຢ່າງເຄັ່ງຂັດໂດຍບໍລິສັດບໍ່ຕ້ອງແຈ້ງການດຳເນີນການໃຫ້ລູກຄ້າຮູ້ລ່ວງໜ້ານອກຈາກນີ້ລູກຄ້າເປັນຜູ້ຮັບຜິດຊອບຄ່າທຳນຽມ ພາສີ ແລະ ຄ່າໃຊ້ຈ່າຍທີ່ກ່ຽວຂ້ອງກັບການຊຳລະລາຄາຄ່າຊື້ ຫຼື ຮັບຊຳລະລາຄາຄ່າຂາຍທີ່ເກີດຂຶ້ນ ( ຫາກມີ) ໃນບັນຊີຂອງລູກຄ້າ.
ລູກຄ້າຮູ້ ແລະ ຍອມຮັບໃນການເຮັດທຸລະກຳແຕ່ລະຄັ້ງພາຍໃຕ້ບັນຊີສະມາຊິກຂອງລູກຄ້າ User Name ເຖິງແອັບພິເຄຊັ້ນ KPV gold ລູກຄ້າຕົກລົງໃຫ້ບໍລິສັດເຮັດທຸລະກຳກັບລູກຄ້າໃນຖານະທີ່ເປັນຄູ່ສັນຍາກັນໄດ້ ໂດຍຖືເອົາເອກະສານນີ້ເປັນລາຍລັກອັກສອນຂອງການສະແດງຄວາມຍິນຍອມໃນການເຂົ້າເປັນຄູ່ສັນຍາຂອງບໍລິສັດ ແລະ ບໍ່ວ່າກໍລະນີໃດໆ ລູກຄ້າຈະບໍ່ຍົກເລິກການໃຫ້ຄວາມຍິນຍອມຂ້າງຕົ້ນ.
ລູກຄ້າຍອມຮັບ ແລະ ຮູ້ດີວ່າຄຳສັ່ງໃນການເຮັດທຸລະກຳມີຜົນຜູກພັນລູກຄ້ານັບແຕ່ເວລາທີ່ລູກຄ້າໄດ້ອອກຄຳສັ່ງຫຼືຖືວ່າໄດ້ອອກຄຳສັ່ງ ໃນກໍ່ລະນີທີ່ບໍລິສັດບໍ່ສາມາດດຳເນີນການໄດ້ຕາມຄຳສັ່ງຂອງລູກຄ້າບໍ່ທັງໝົດຫຼືບາງສ່ວນ ໃນສ່ວນທີ່ບໍ່ສາມາດເຮັດໄດ້ໃຫ້ຖືເປັນອັນຍົກເລີກເມື່ອສິ້ນສຸດລະຍະເວລາທີ່ກຳນົດໄວ້ໃນລາຍການທຸລະກຳນັ້ນ ຫຼື ຕາມຂໍ້ກຳນົດ ຫຼື ວິທີປະຕິບັດຂອງບໍລິສັດແລະ ລູກຄ້າຕົກລົງຍອມຮັບຜົນໃນການດຳເນີນການນັ້ນຂອງບໍລິສັດທຸກປະການລວມເຖິງລູກຄ້າຍິນຍອມໃຫ້ບໍລິສັດບໍ່ຕ້ອງຮັບຜິດຊອບໃນຄວາມເສຍຫາຍໃດໆທີ່ເກີດຂຶ້ນອັນເນື່ອງມາຈາກການທີ່ບໍລິສັດບໍ່ສາມາດເຮັດຕາມຄຳສັ່ງທຸລະກຳໃຫ້ແກ່ລູກຄ້າໄດ້ບໍ່ວ່າທັງໝົດ ຫຼື ບາງສ່ວນ.
ລູກຄ້າຍອມຮັບ ແລະ ຕົກລົງວ່າໃນກໍລະນີຕາມຂໍ້ 12. ບໍລິສັດມີສິດທີ່ຈະແຈ້ງຜົນຫຼືຢືນຢັນລາຍການທີ່ເກີດຈາກຄຳສັ່ງຂອງລູກຄ້າຕາມວິທີການ ແລະ ລະຍະເວລາທີ່ບໍລິສັດກຳນົດຫຼືບໍ່ກໍໄດ້ໂດຍໃຫ້ຖືເປັນໜ້າທີ່ຂອງລູກຄ້າໃນການຕອບຮັບຢືນຢັນ ແລະ ກວດສອບຜົນຂອງຄຳສັ່ງລວມເຖິງຈຳນວນ ແລະ ລາຄາຄຳທຸກລາຍການພາຍໃນວັນທີ່ມີຄຳສັ່ງນັ້ນໂດຍວິທີການຕ່າງໆບໍ່ວ່າຈະເຮັດດ້ວຍວາຈາ ລາຍລັກອັກສອນ ລະບົບອິນເຕີເນັດສື່ໃດໆ ຫຼື ຕາມວິທີການທີ່ບໍລິສັັດຈະໄດ້ກຳນົດຂຶ້ນຕໍ່ໄປໃນອານາຄົດ.
ກໍລະນີທີ່ລູກຄ້າເຫັນວ່າລາຍການຄຳສັ່ງທຸລະກຳໃດຂອງຕົນມີຂໍ້ຜິດພາດຫຼືບໍ່ຖືກຕ້ອງ ໃຫ້ຖືເປັນໜ້າທີ່ຂອງລູກຄ້າເປັນການຄັດຄ້ານຜົນຂອງຄຳສັ່ງເປັນລາຍລັກອັກສອນພາຍໃນວັນທີ່ໄດ້ມີຄຳສັ່ງນັ້ນ ໃນກໍລະນີລູກຄ້າບໍ່ໄດ້ມີການໂຕ້ແຍ້ງເຖິງຄຳສັ່ງ ແລະ ແຈ້ງໃຫ້ບໍລິສັດຮູ້ພາຍໃນວັນທີ່ໄດ້ມີຄຳສັ່ງແລ້ວ ໃຫ້ຖືວ່າລູກຄ້າຕົກລົງຍອມຮັບຄຳສັ່ງເຮັດທຸລະກຳນັ້ນເປັນຄຳສັ່ງທີ່ຖືກຕ້ອງແທ້ຈິງ ແລະ ມີຜົນສົມບູນຜູກພັນໂດຍບໍ່ມີຂໍ້ໂຕ້ແຍ້ງໃດໆທັງສີນ.
ລູກຄ້າຕົກລົງ ແລະ ຍອມຮັບວ່າ ບໍລິສັດມີສິດ ແລະ ອຳນາດໂດຍຊອບທຳທີ່ຈະປະຕິເສດບໍ່ຮັບຄຳສັ່ງລະງັບ ຫຼື ບໍ່ດຳເນີນການເຮັດທຸລະກຳຕາມຄຳສັ່ງຂອງລູກຄ້າບໍ່ວ່າທັງໝົດຫຼືບາງສ່ວນໂດຍບໍ່ຈຳເປັນຕ້ອງບອກກ່າວຫຼືສະແດງເຫດຜົນໃດໆ ຫຼື ຕ້ອງໄດ້ຮັບຄວາມຍິນຍອມຈາກລູກຄ້າກ່ອນແຕ່ຢ່າງໃດ ແລະ ບໍລິສັດບໍ່ຕ້ອງຮັບຜິດຊອບໃດໆຕໍ່ລູກຄ້າໃນການໃຊ້ລິດກະສິດດັ່ງກ່າວ.
ການຍົກເລີກ ຫຼື ປ່ຽນແປງຄຳສັ່ງເຮັດທຸລະກຳບໍ່ວ່າທັງໝົດຫຼືບາງສ່ວນນັ້ນລູກຄ້າຈະຕ້ອງແຈ້ງໃຫ້ບໍລິສັດຮັບຮູ້ພາຍໃນເວລາທີ່ບໍລິສັດກຳນົດໃນການເຮັດທຸລະກຳ ແລະ ກ່ອນທີ່ຜົນທຸລະກຳນັ້ນຈະສຳເລັດສົມບູນທັງໝົດ ຫຼື ບາງສ່ວນໂດຍຄຳສັ່ງປ່ຽນແປງຫຼືຄຳສັ່ງຍົກເລີກຈະມີຜົນສົມບູນກໍ່ຕໍ່ເມື່ອລູກຄ້າໄດ້ຮັບການຢືນຢັນຈາກບໍລິສັດໃຫ້ສາມາດປ່ຽນແປງຫຼື ຍົກເລີກໄດ້ທັງນີ້ໃນທຸກໆກໍລະນີຈະບໍ່ມີຜົນທະທົບເຖິງການໃດໆທີ່ບໍລິສັດໄດ້ກະທຳໄປກ່ອນທີ່ບໍລິສັດຈະມີການຢືນຢັນການປ່ຽນແປງ ຫຼື ການຍົກເລີກດັ່ງກ່າວ.
ລູກຄ້າຕົກລົງ ແລະ ຍອມຮັບວ່າໃນການສົ່ງຄຳສັ່ງເຮັດທຸລະກຳທຸກໆຄັ້ງທຸກລາຍການນັ້ນ ເປັນການຕັດສິນໃຈຂອງລູກຄ້າເອງ ໂດຍລູກຄ້າເປັນຜູ້ໃຊ້ວິຈາລະຍານໃນການເຮັດພຽງຜູ້ດຽວ ບັນດາຂ່າວສານ ຂໍ້ມູນຫຼື ຄຳແນະນຳໃດໆທີ່ກ່ຽວກັບການເຮັດທຸລະກຳບໍ່ວ່າຈະເຜີຍແຜ່ບຸກຄົນໃດຜ່ານທາງສື່ຊະນິດໃດໂດຍບໍລິສັດເອງຫຼືພະນັກງານເຈົ້າໜ້າທີ່ຄົນໜຶ່ງໃດຄົນໜຶ່ງຂອງບໍລິສັດບໍ່ຖືເປັນການຜູກພັນກັບບໍລິສັດ ແລະ ບໍ່ໃຫ້ເກີດຄວາມຮັບຜິດຊອບໃດໆແກ່ບໍລິສັດທັງສິນ ໃນກໍລະນີບໍລິສັດກວດສອບພົບວ່າ ລາຍການທຸລະກຳໃດຂອງລູກຄ້າຜິດປົກກະຕິ ຫຼື ເຂົ້າຄ່າຍຜິດກົດໝາຍຫຼື ຜິດຈາກສະພາບຄວາມເປັນຈິງ ຂະໜະລູກຄ້າມີຄຳສັ່ງອັນເນື່ອງຈາກ ຂໍ້ຜິດພາດ ຫຼື ບໍ່ວ່າດ້ວຍເຫດໃດໆກໍຕາມບໍລິສັດມີສິດປະຕິເສດຫຼືຍົກເລີກລາຍການທຸລະກຳທີ່ຜິດປົກກະຕິ ຫຼື ຍອມຮັບຫຼືດຳເນີນການໃດໆຕາມທີ່ບໍລິສັດເຫັນສົມຄວນບໍ່ວ່າຈະຢູ່ລະຫວ່າງການເຮັດທຸລະກຳ ຫຼື ໄດ້ເຮັດທຸລະກຳແລ້ວໆຫາກການໃຊ້ສິດເຊັ່ນວ່າຂອງບໍລິສັດເຮັດໃຫ້ລູກຄ້າໄດ້ຮັບເງິນ ຄຳ ຫຼື ຜົນປະໂຫຍດໃດໆຈາກບໍລິສັດ ຫຼື ລູກຄ້າມີໜ້າທີ່ສຳລະລາຄາຫຼືສົ່ງມອບຄຳລູກຄ້າຈະຕ້ອງດຳເນີນການຊຳລະ ຫຼື ຄືນເງິນຫຼືສົ່ງມອບຄຳຮ່ວມທັງປະໂຫຍດອື່ນໃດທີ່ໄດ້ຮັບທັນທີ ທີ່ໄດ້ຮັບການຮ້ອງຂໍຈາກບໍລິສັດທັງທີ່ລູກຄ້າຕົກລົງວ່າການທີ່ບໍລິສັດບໍ່ຕ້ອງຮັບຜິດຊອບໃນພາລະ ແລະ ຄວາມເສຍຫາຍໃດໆທີ່ລູກຄ້າໄດ້ຮັບຈາກການທີ່ບໍລິສັດໃຊ້ສິດດັ່ງກ່າວ ຖືວ່າຂໍ້ຕົກລົງນີ້ເປັນການສະແດງຄວາມຍິນຍອມ ແລະ ຍອມຮັບໃນການດຳເນີນການຕາມທີ່ບໍລິສັດເຫັນສົມຄວນ ແລະ ຖືເປັນຂໍ້ຢຸຕິໂດຍລູກຄ້າຈະບໍ່ມີຂໍ້ໂຕ້ແຍ້ງໃດໆຂຶ້ນກ່າວອ້າງທັງນັ້ນ.
ໃນກໍລະນີທີ່ລູກຄ້າມີຄຳສັ່ງຊື້ຄຳ ແລະ ຊຳລະລາຄາແລ້ວແຕ່ຍັງບໍ່ທັນຢາກຮັບຄຳໄປຈາກບໍລິສັດໃຫ້ຖືວ່າລູກຄ້າສະແດງເຈດຕະນາໃນການຝາກຄຳໄວ້ກັບບໍລິສັດໂດຍບໍລິສັດຈະອອກຫຼັກຖານການຮັບຝາກຄຳໃຫ້ກັບລູກຄ້າໃນຮູບແບບອີເລັກໂທນິກຕາມວິທີການ ແລະ ເງື່ອນໄຂທີ່ບໍລິສັດກຳນົດ ແລະ ລູກຄ້າຮູ້ດີວ່າການຝາກຄຳໄວ້ກັບບໍລິສັດນັ້ນເປັນການມອບໃຫ້ບໍລິສັດເກັບຮັກສາຄຳໄວ້ແທນລູກຄ້າໂດຍບໍລິສັດບໍ່ມີໜ້າທີ່ໃນການຈ່າຍຜົນປະໂຫຍດຫຼືຜົນຕອບແທນໃດໆໃຫ້ກັບລູກຄ້າ.
ການຮັບຄຳຕາມສັນຍາຈະຕ້ອງເປັນການຮັບມອບໂດຍລູກຄ້າເຈົ້າຂອງບັນຊີເທົ່ານັ້ນ, ເວັ້ນແຕ່ກໍລະນີທີ່ລູກຄ້າປະສົງໃຫ້ບຸກຄົນອື່ນຮັບຜິດຊອບແທນລູກຄ້າຈະຕ້ອງມອບໃຫ້ຕົ້ນສະບັບໜັງສືມອບອຳນາດພ້ອມຮັບຮອງສຳເນົາບັດປະຈຳໂຕຂອງລູກຄ້າ ແລະ ຜູ້ຮັບມອບອຳນາດລະບຸຂອບເຂດການມອບອຳນາດໂດຍລະອຽດໃຫ້ແກ່ບໍລິສັດກ່ອນ ຫຼື ຂະນະສົ່ງມອບ-ຮັບມອບ ໂດຍບໍລິສັດມີສິດໃນການໃຊ້ພິຈາລະນາອະນຸຍາດໃຫ້ມີການຮັບມອບແທນຫຼືບໍ່ແຕ່ພຽງຜູ້ດຽວ.
ການຮັບຄຳຕາມສັນຍາຈະຕ້ອງມອບຮັບທີ່ບໍລິສັດ ຫຼື ຕາມທີ່ລະບຸໄວ້ຕາມໃບສັນຍາ ຕາມສະຖານທີ່ລູກຄ້າ ແລະ ບໍລິສັດໄດ້ເຮັດຕົກລົງກັນໄວ້ໂດຍຊັດເຈນ ຫາກລູກຄ້າປະສົງຈະຮັບມອບ ຢູ່ສະຖານທີ່ອື່ນອັນທີ່ບໍ່ແມ່ນສະຖານທີ່ຂ້າງຕົ້ນລູກຄ້າຕົກລົງເປັນຜູ້ຮັບຜິດຊອບຕໍ່ຄວາມເສຍຫາຍ ສູນຫາຍ ແລະ ຄ່າໃຊ້ຈ່າຍທີ່ອາດຈະມີຂຶ້ນເອງ ລູກຄ້າຮູ້ດີວ່າ ເວລາໃນການຮັບຄຳກັບບໍລິສັດຕາມສັນຍານັນລູກຄ້າຈະຕ້ອງດຳເນີນການຮັບມອບໃຫ້ແລ້ວພາຍໃນ 17:00 ໂມງ ຂອງມື້ທີ່ບໍລິສັດເຮັດວຽກ ຫຼື ຮ້ານສາຂາທີ່ບໍລິສັດກຳນົດໄວ້ ຫາກເກີນກຳນົດເວລາດັ່ງກ່າວລູກຄ້າຈະຕ້ອງດຳເນີນການຮັບມອບໃນມື້ເຮັດວຽກຕໍ່ໄປ.
Part III: ເຫດການຜິດສັນຍາ ແລະ ການດຳເນີນການ.
ຫາກປະກົດພຶດຕິກຳດັ່ງໂຕໄປນີ້ບໍ່ວ່າຂໍ້ໃດຂໍ້ໜຶ່ງໃຫ້ພາລະໜີ້ສິນທັງໝົດໃນບັນຊີຂອງລູກຄ້າເຖິງກຳນົດຊຳລະໂດຍທັນທີ ແລະ ລູກຄ້າຍິນຍອມໃຫ້ບໍລິສັດສາມາດດຳເນີນການລະງັບບັງຄັບຊື້ຂາຍບໍ່ຮັບຄຳສັ່ງກຳນົດວົງເງິນແຈ້ງໃຫ້ແກ້ໄຂບອກລົບຫຼືບອກເລີກສັນຍາຫຼືຂໍ້ຕົກລົງທີ່ກ່ຽວຂ້ອງໄດ້ໂດຍທັນທີບໍ່ວ່າທັງໝົດຫຼືບາງສ່ວນຮ່ວມເຖິງສາມາດເຮັດການຫັກກວມລົບໜີ້ຫັກການຖອນບັນຊີ ຫຼື ຍຶດເອົາຊັບສິນຂອງລູກຄ້າທີ່ຢູ່ພາຍໃຕ້ສັນຍານີ້ ແລະ ສັນຍາອື່ນທີ່ລູກຄ້າມີໄວ້ກັບບໍລິສັດໂດຍທີ່ບໍ່ຕ້ອງແຈ້ງລວງໜ້າ ຫຼື ຂໍຄວາມຍິນຍອມຈາກລູກຄ້າອີກແຕ່ຍ່າງໃດ ແລະ ລູກຄ້າຍິນຍອມໃຫ້ມີຜົນຜູກພັນໄປຍັງລູກ ຫຼື ຊັບສີນຂອງລູກຄ້າດ້ວຍ ນອກຈາກນີ້ລູກຄ້າຕົກລົງຮັບຜິດຊອບບັນດາຄ່າໃຊ້ຈ່າຍໃນການບອກກ່າວ ທວງຖາມ ຟ້ອງຮ້ອງ ຫຼື ບັງຄັບຄະດີຮ່ວມເຖິງຄ່າໃຊ້ຈ່າຍຂອງທະນາຍຄວາມດ້ວຍ.
ໃນກໍລະນີທີ່ລູກຄ້າລະເວັ້ນ ງົດເວັ້ນ ຫຼື ບໍ່ປະຕິບັດຕາມຂໍ້ຕົກລົງ ແລະ ຂໍ້ກຳນົດ ຫຼືໜ້າທີ່ໃດໆຂອງຕົນ ແລະ ຕາມຂໍ້ຕົກລົງ ຂໍ້ກຳນົດໃດໆຊຶງໄດ້ກະທຳຂຶ້ນພາຍໃຕກ່ຽວຂ້ອງກັບສັນຍານີ້.
ເມື່ອສານ ຫຼື ໜ່ວຍງານພາກລັດມີຄຳພິພາກສາ ຫຼື ຄຳສັ່ງໃຫ້ລູກຄ້າຊຳລະໜີ້ໃຫ້ຍຶດ ຫຼື ອາຍັດຊັບສິນຂອງລູກຄ້າບໍ່ວ່າທັງໝົດຫຼືບາງສ່ວນ.
ລູກຄ້າເຖິງແກ່ມໍລະນະກຳຫຼືຕົກເປັນຜູ້ບໍ່ມີຄວາມສາມາດ ມີໜີ້ສີນຫຼາຍເກີນຕົວ ຖືກສານສັ່ງໃຫ້ອາຍັດຊັບ ຕົກເປັນຄົນລົມລະລາຍ ຫຼືມີຄຳສັ່ງຮັບຄຳຮ້ອງຂໍໃຫ້ຟື້ນຟູກິດຈະການຂອງລູກຄ້າ.
ເມື່ອຄຳຢືນຢັນ ຄຳຮັບຮອງ ຫຼື ຂໍ້ຄວາມແນວໃດເຊິ່ງລູກຄ້າໄດ້ກະທຳຫຼືໄດ້ໃຫ້ໄວ້ພາຍໃຕ້ສັນຍານີ້ຫຼືທີ່ລະບຸໄວ້ໃນເອກະສານອື່ນໃດທີ່ກ່ຽວຂ້ອງກັບສັນຍານີ້ມີຄວາມບໍ່ຖືກຕ້ອງຖືກປົກປິດບິດເບືອນຫຼືບໍ່ເປັນຄວາມຈິງບໍ່ວ່າທັງໝົດຫຼືບາງສ່ວນ.
ກໍລະນີບໍລິສັດເຫັນເປັນຫານ ແລະ ເພື່ອປ້ອງກັນ ຫຼື ຍັບຍັ້ງສະພາບການເຮັດທຸລະກຳທີ່ຜິດປົກກະຕິ ຫຼືມີພຶດຕິກຳການເຮັດທຸລະກຳທີ່ບໍ່ເໝາະສົມອາດເປັນການຝ່າຝືນກົດໝາຍ.
ເມື່ອເຫດການໃດໜຶ່ງຫຼືມີເຫດການຫຼາຍເຫດການເກີດຂຶ້ນທັງນີ້ບໍ່ວ່າເຫດການດັ່ງກ່າວທີ່ຈະກ່ຽວຂ້ອງກັນ ຫຼື ບໍ່ເຊິ່ງອາດຈະມີຜົນກະທົບໃນທາງລົບທີ່ສຳຄັນຕໍ່ຄວາມສາມາດຂອງລູກຄ້າໃນການປະຕິບັດຕາມໜ້າທີ່ໃດໆພາຍໃຕ້ສັນຍານີ້.
ໃນກໍລະນີທີ່ລູກຄ້າຜິດນັດຊຳລະໜີ້ ຫຼື ຜິດສັນຍາໃນຂໍ້ທີ່ບໍ່ເປັນສາລະສຳຄັນບໍລິສັດອາດຈະພິຈາລະນາຜ່ອນຜັນໃຫ້ລູກຄ້າແກ້ໄຂການຜິດນັດ ຫຼື ຜິດສັນຍາພາຍໃນກຳນົດລະຍະເວລາ ຫຼື ພາຍໃຕ້ເງື່ອນໄຂຢ່າງໃດກໍໄດ້, ແຕ່ການຜ່ອນຜັນນັ້ນເປັນໄປເພື່ອປະໂຫຍດສະເພາະຄາວທີ່ຜ່ອນຜັນໃຫ້ເທົ່ານັ້ນ ຫາກລູກຄ້າບໍ່ຈັດການແກ້ໄຂໃຫ້ແລ້ວພາຍໃນກຳນົດລະຍະ ຫຼື ເງື່ອນໄຂທີ່ກຳນົດສຳລັບການຜ່ອນຜັນນັ້ນໃຫ້ຖືວ່າລູກຄ້າຜິດນັດບໍລິສັດທີ່ຈະຍົກເລີກສັນຍານີ້ ແລະ ເອີ້ນໃຫ້ລູກຄ້າມາຊຳລະໜີ້ທັງໝົດໄດ້ທັນທີ່ລວມເຖິງສິດໃນການຮຽກຮ້ອງຄ່າຕອບແທນຕາມຂໍ້ທີ່ 24. ແລະ ການຜ່ອນຜັນໃດໆຕາມຂໍ້ນີ້ບໍ່ຖືວ່າເປັນການສະລະສິດຮຽກຮ້ອງໃດໆຂອງບໍລິສັດທີ່ມີຕໍ່ລູກຄ້າອັນເນື່ອງມາຈາກການຜິດນັດ ຫຼື ຜິດ ສັນຍາບໍລິສັດຍັງມີສີດເຊັ່ນວ່າມານັ້ນໃນທຸກກໍລະນີ ທັງນີ້ໃນການຜິຈາລະນາວ່າຂໍ້ຕົກລົງໃນສັນຍາຂໍ້ໃດເປັນສາລະສຳຄັນຫຼືບໍສຳຄັນລູກຄ້າຕົກລົງໃຫ້ເປັນການຕັດສີນໃຈໂດຍເດັດຂາດຂອງບໍລິສັດ.
ລູກຄ້າຕົກລົງຮັບຜິດຊອບໃນຄວາມເສຍຫາຍ ແລະ ຄ່າໃຊ້ຈ່າຍຕ່າງໆ ທີ່ບໍລິສັດໄດ້ຮັບອັນເນື່ອງຈາກການກ່ຽວຂ້ອງກັບສັນຍາສະບັບນີ້ ຫຼື ກ່ຽວກັບການກະທຳ ຫຼື ງົດເວັ້ນກະທຳການຂອງລູກຄ້າ ຫຼື ຕົວແທນ ຜູ້ຮັບມອບຄຳນາດຂອງລູກຄ້າ ລວມໄປເຖິງບັນດາຄວາມເສຍຫາຍ ແລະ ຄ່າໃຊ້ຈ່າຍຕ່າງໆທີ່ບໍລິສັດໄດ້ຮັບອັນເນື່ອງຈາກການຮຽກຮ້ອງ ຫຼື ຮ້ອງຟ້ອງໂດຍບຸກຄົນອື່ນໃຫ້ບໍລິສັດຕ້ອງຮັບຜິດຊອບກ່ຽວກັບສັນຍານີ້ການ
ທີ່ບໍລິສັດຍັງບໍ່ໃຊ້ສິດອຳນາດ ຫຼື ເອກະສິດຕ່າງໆ ບໍ່ວ່າຈະເປັນການທວງຖາມການເອີ້ນໃຫ້ມາຊຳລະໜີ້ ຫຼື ການກະທຳອື່ນທີ່ບໍລິສັດມີສິດເຮັດຕາມສັນຍານີ້ໃຫ້ຖືເປັນການຜ່ອນຜັນຫຼືລະເວັ້ນສະເພາະເວລາເທົ່ານັ້ນ ບໍ່ຖືວ່າເປັນການລົບລ້າງ ຫຼື ສະລະສິດອຳນາດ ຫຼື ເອກະສິດຕ່າງໆ ແລະ ໃນການໃຊ້ສິດໃດໆພຽງຄັ້ງດຽວຫຼືບາງສ່ວນບໍ່ຖືວ່າເປັນການຕັດສິດໃນການທີ່ບໍລິສັດຈະໃຊ້ສິດອຳນາດ ສິດທິພິເສດຕາມສັນຍານີ້ຈົນຄົບຖ້ວນ
Part IV: ການບອກເລີກສັນຍາ.
ສັນຍານີ້ບໍ່ມີກຳນົດລະຍະເວລາ ບໍລິສັດສາມາດບອກເລີກສັນຍານີ້ເມື່ອໃດກໍ່ໄດ້ໂດຍບໍ່ຕ້ອງບອກກ່າວໃຫ້ລູກຄ້າຮູ້ລ່ວງໜ້າ ແລະ ຜົນແຫ່ງການເລີກສັນຍາຈະບໍ່ກະທົບກະເທືອນເຖິງສິດແລະ ໜ້າທີ່ຂອງຄູ່ສັນຍາ ຊຶ່ງໄດ້ມີຂຶ້ນກ່ອນທີ່ການບອກເລິກສັນຍາຈະເປັນຜົນບັງຄັບ.
ໃນກໍລະນີທີ່ເຈົ້າພະນັກງານຜູ້ມີອຳນາດຂອງລັດບໍ່ວ່າຈະເປັນໜ່ວຍງານພາກລັດມີຄຳສັ່ງໃຫ້ເລີກສັນຍາ ຫຼື ລະງັບການເຮັດທຸລະກຳບໍລິສັດຈະປະຕິບັດຕາມຄຳສັ່ງລະງັບດັ່ງກ່າວໂດຍເຄັ່ງຂັດໂດຍບໍ່ຕ້ອງແຈ້ງໃຫ້ລູກຄ້າຮູ້ ຫຼື ຍິນຍອມກ່ອນແຕ່ຍ່າງໃດບໍລິສັດບໍ່ຕ້ອງຮັບຜິດຊອບໃດໆຕໍ່ການສູນເສຍ ເສຍຫາຍ ເສຍໂອກາດ ເສຍປະໂຫຍດຂອງລູກຄ້າ.
ໃນກໍລະນີທີ່ລູກຄ້າຈະເລີກສັນຍານີ້ ຈະຕ້ອງແຈ້ງໃຫ້ບໍລິສັດຮູ້ເປັນລາຍລັກອັກສອນລ່ວງໜ້າຍ່າງນ້ອຍ 7 ວັນກ່ອນເລີກສັນຍາ, ທັງນີ້ລູກຄ້າຈະໃຊ້ສິດບອກເລີກສັນຍາໄດ້ສະເພາະກໍລະນີບໍ່ມີພາລະໜີ້ໃດໆຄ້າງຊຳລະກັບທາງບໍລິສັດແລ້ວເທົ່ານັ້ນ ແລະ ຜົນແຫ່ງການຍົກເລີກສັນຍາຈະບໍ່ກະທົບກະເທືອນເຖິງສິດທິ ແລະ ໜ້າທີ່ຂອງຄູ່ສັນຍາ ຊຶ່ງໄດ້ມີກ່ອນທີ່ການບອກເລີກສັນຍາຈະມີຜົນບັງຄັບ.
Part V: ຂໍ້ຕົກລົງອື່ນ.
ລູກຄ້າຕົກລົງວ່າ ການບອກກ່າວຫຼືການແຈ້ງຂໍ້ຄວາມໃດໆແກ່ລູກຄ້າຕາມສັນຍານີ້ຫາກບໍ່ໄດ້ກຳນົດໄວ້ໂດຍສະເພາະຕ້ອງເຮັດເປັນ ລາຍລັກອັກສອນແລ້ວ ບໍລິສັດມີສິດເລືອກທີ່ຈະບອກກ່າວ ຫຼື ແຈ້ງທາງໂທລະສັບ ຫຼື ເປັນໜັງສືເຊຶ່ງຈະສົ່ງດ້ວຍວິທີການໃດໆກໍ່ໄດ້ ຕາມແຕ່ລະບໍລິສັດຈະເຫັນສົມຄວນເຊັ່ນ: ທາງໃບສະນີ ໂທລະພິມ ໂທລະສານ ທາງໃບສະນີອີເລັກໂທນິກຂໍ້ຄວາມທາງໂທລະສັບທາງລະບົບອິນເຕີເນັດ ຫຼື ວິທີການອື່ນໃດທີ່ບໍລິສັດກຳນົດຫາກບໍລິສັດໄດ້ດຳເນີນການແລ້ວລູກຄ້າຕົກລົງໃຫ້ຖືກເປັນການແຈ້ງ ຫຼື ບອກກ່າວໃຫ້ລູກຄ້າ ຮູ້ໂດຍຮັບຮູ້ແລ້ວບັນດາໜັງສືຕິດຕໍ່ ຄຳບອກກ່າວທວງຖາມ ຫຼື ເອກະສານອື່ນທີ່ຈະສົ່ງໃຫ້ແກ່ລູກຄ້າບໍ່ວ່າຈະສົ່ງທາງໃບສະນີລົງທະບຽນຫຼືບໍ່ລົງທະບຽນ ຫຼືໃຫ້ພະນັກງານຂອງບໍລິສັດນຳໄປສົ່ງເອງກໍ່ໄດ້ຖ້າຫາກໄດ້ນຳສົ່ງໄປຫາທີ່ຢູ່ຂອງລູກຄ້າທີ່ແຈ້ງກັບບໍລິສັດ ຫຼື ໄດ້ສົ່ງທາງໂທລະສານ ຫຼື ທາງໃບສະນີອີເລັກໂທນິກ ( Email ) ໄປຫາໝາຍເລກໂທລະສານຫຼືທີ່ຢູ່ໃບສະນີອີເລັກໂທນິກ ( Email Address ) ທີ່ລູກຄ້າໃຫ້ໄວແລ້ວ ໃຫ້ຖືວ່າໄດ້ສົ່ງໃຫ້ແກ່ລູກຄ້າໂດຍຮັບຮູ້ແລ້ວ ໂດຍທີ່ບໍ່ຕ້ອງຄຳໜຶ່ງວ່າຈະມີຜູ້ຮັບໄວ້ຫຼືບໍ ແລະ ເຖິງແມ່ນວ່າສົ່ງໃຫ້ລູກຄ້າບໍ່ໄດ້ ເພາະທີ່ຢູ່ຂອງລູກຄ້ານັ້ນປ່ຽນແປງ ຫຼື ຖອນອອກໄປໂດຍທີ່ລູກຄ້າບໍ່ໄດ້ແຈ້ງການປ່ຽນແປງ ຫຼື ຖອນອອກນັ້ນ ໃຫ້ບໍລິສັດໄດ້ຮັບຮູ້ເປັນລາຍລັກອັກສອນ ຫຼື ສົ່ງໃຫ້ບໍ່ໄດ້ເພາະຫາທີ່ຢູ່ບໍ່ພົບ ໃຫ້ຖືກວ່າເປັນການມອບກ່າວ ຫຼື ແຈ້ງໃຫ້ລູກຄ້າຮູ້ໂດຍມັກແລ້ວຕັ້ງແຕ່ວັນທີ່ພະນັກງານໃບສະນີ ຫຼື ພະນັກງານຂອງບໍລິສັດໄດ້ໄປສົ່ງ ຫາພູລຳເນົາເກົ່າ ຫຼື ໃນວັນທີ່ສົ່ງໂທສານ ຫຼື ສົ່ງໃບສະນີອີເລັກໂທນິກ.
ໃນກໍລະນີທີ່ສະຖານທີ່ຢູ່ຫຼືທີ່ຢູ່ຂອງໃບສະນີອິເລັກໂທນິກ ຫຼື ໝາຍເລກໂທລະສັບຂອງລູກຄ້າມີການປ່ຽນແປງລູກຄ້າຕ້ອງແຈ້ງໃຫ້ບໍລິສັດຮັບຮູ້ຕາມແບບຟອມທີ່ບໍລິສັດກຳນົດໄວ້, ພ້ອມແນບກັບເອກະສານລັກຖານປະກອບ (ຫາກມີ) ໂດຍບໍລິສັດຈະດຳເນີນການກວດສອບ ແລະ ປະເມີນຜົນປ່ຽນແປງແກ້ໄຂຂໍ້ມູນຕາມເງື່ອນໄຂ ແລະ ວິທີການທີ່ບໍລິສັດ ແລະ ກົດໝາຍກຳນົດ.
ເອກະສານຫຼັກຖານໃດໆ ທີ່ບໍລິສັດໄດ້ຮັບຈາກລູກຄ້າ ຫຼື ຜູ້ຮັບມອບອຳນາດ ຫຼື ຕົວແທນຂອງລູກຄ້າ ໂດຍທາງໂທລະສານ ຫຼື ທາງລະບົບອີເລັກໂຕນິກລວມເຖິງບັນທຶກປະຫວັດຂໍ້ມູນ ການສົ່ງຄຳສັ່ງເຮັດທຸລະກຳ ການຈັດເກັບ ຫຼື ການຕິດຕໍ່ໃດໆທາງລະບົບອິນເຕີເນັດ ຫຼື ລະບົບອີເລັກໂຕນິກໃດໆ ບໍ່ວ່າຈະມີຂຶ້ນກ່ອນໜ້າ ຫຼື ໃນຂະໜາດທີ່ເຮັດສັນຍານີ້ ຫຼື ທີ່ຈະມີຂຶ້ນຕໍ່ໄປໃນອານາຄົດໃຫ້ຖືວ່າເປັນເອກະສານທີ່ຄ້າຍຄືເອກະສານຕົ້ນສະບັບ ແລະ ເປັນເອກະສານຫຼັກຖານທີ່ມີຄວາມສົມບູນຖືກຕ້ອງຄົບຖ້ວນ ເປັນໄປຕາມຄວາມປະສົງຂອງລູກຄ້າທຸກປະການ ມີຜົນຜູກພັນສົມບູນ ແລະ ບັງຄັບໃຊ້ໄດ້ຕາມກົດໜາຍ ລວມທັງລູກຄ້າຈະບໍ່ຍົກເອົາເຫດ ຫຼື ຂໍ້ອ້າງໃດໆມາໂຕ້ແຍ້ງ ຫຼື ປະຕິເສດຄວາມສົມບູນ ຫຼື ຜົນການບັງຄັບໃຊ້ຂອງເອກະສານ ຫຼື ຄວາມຮັບຜິດ ຫຼື ຄວາມຜູກພັນຂອງລູກຄ້າໃນເອກະສານດັ່ງກ່າວ.
ບໍລິສັດຂໍສະຫງວນສິດ ໃນກໍລະນີທີ່ຈະເຮັດການແກ້ໄຂເພີ່ມເຕີມຂໍ້ຕົກລົງໃດໆແຫ່ງສັນຍານີ້ ຕາມທີ່ບໍລິສັດເຫັນສົມຄວນ ໂດຍບໍ່ຕ້ອງໄດ້ຮັບຄວາມຍິນຍອມຈາກລູກຄ້າກ່ອນ ທັງນີ້ບໍລິສັດຈະແຈ້ງການປ່ຽນແປງດັ່ງກ່າວໃຫ້ລູກຄ້າຮູ້ ແລະ ລູກຄ້າຕົກລົງໃຫ້ຂໍ້ຕົກລົງສະບັບນີ້ເປັນການສະແດງຄວາມຍິນຍອມຈາກລູກຄ້າກ່ອນແຕ່ຢ່າງໃດ ໂດຍລູກຄ້າຈະປະຕິບັດຕາມຂໍ້ຕົກລົງ ແລະ ເງື່ອນໄຂທີ່ໄດ້ແກ້ໄຂເພີ່ມເຕີມປ່ຽນແປງຢ່າງເຄັ່ງຄັດ ແລະ ໃຫ້ມີຜົນບັງຄັບທັນທີຕາມວັນເວລາທີ່ບໍລິສັດກຳນົດ.
ການໂອນສິດ
ລູກຄ້າຈະໂອນສິດ ຫຼື ເຂົ້າຮ່ວມໃນສັນຍານີ້ໃຫ້ແກ່ບຸກຄົນອື່ນໄດ້ ລູກຄ້າຕົກລົງຍິນຍອມໃຫ້ບໍລິສັດໂອນສິດ, ຫຼື ຜົນປະໂຫຍດຂອງບໍລິສັດຕາມສັນຍານີ້ ໃຫ້ແກ່ບຸກຄົນອື່ນໂດຍບໍ່ຕ້ອງຂໍຄວາມຍິນຍອມຈາກລູກຄ້າ ຫຼື ແຈ້ງໃຫ້ລູກຄ້າຮູ້ລ່ວງໜ້າແຕ່ຢ່າງໃດ ແລະ ລູກຄ້າຕົກລົງຍອມຮັບຜິດຊອບຊົດໃຊ້ໜີ້ຂອງລູກຄ້າຕະຫຼອດໄປ ຈົນກວ່າບໍລິສັດ ຫຼື ຜູ້ຮັບໂອນຈະໄດ້ຮັບຊຳລະໜີ້ຈົນຄົບຖ້ວນ.
ລູກຄ້າໄດ້ອ່ານ ແລະ ຮັບຮູ້ເຖິງລະບຽບທີ່ກ່ຽວຂ້ອງ ລວມເຖິງຂໍ້ກຳນົດ ແລະ ເງື່ອນໄຂໃນການເຮັດທຸລະກຳຂອງບໍລິສັດເປັນຢ່າງດີແລ້ວ ແລະ ຍິນຍອມປະຕິບດຕາມກົດລະບຽບ ຂໍ້ກຳນົດ ແລະ ເງື່ອນໄຂທີ່ກ່ຽວຂ້ອງໂດຍເຄັ່ງຄັດທຸກປະການ ທັງທີ່ມີຢູ່ກ່ອນ ແລະ ໃນມື້ເຮັດສັນຍານີ້ ແລະ ທີ່ຈະມີການປ່ຽນແປງແກ້ໄຂຫຼືເພີ່ມເຕີມໃນອານາຄົດ. ໂດຍບໍລິສັດບໍ່ມີໜ້າທີ່ຕ້ອງແຈ້ງໃຫ້ລູກຄ້າຮູ້ໃນກໍລະນີທີ່ກົດໜາຍປະກາດລະບຽບກົດເກນວິທີປະຕິບັດ, ຂໍ້ບັງຄັບກ່ຽວກັບການເຮັດທຸລະກໍາຂອງບໍລິສັດ, ຂອງໜ່ວຍງານລ້າຊະການ ແລະ ໜ່ວຍງານທີ່ກ່ຽວຂ້ອງມີການປ່ຽນແປງແກ້ໄຂ ຫຼື ເພີ່ມເຕີມພາຍຫຼັງການເຮັດສັນຍານີ້. ຄູ່ສັນຍາຕົກລົງໃຫ້ຖືຕາມກົດໜາຍປະກາດລະບຽບກົດເກນວິທີປະຕິບັດ ຫຼື ຂໍ້ບັງຄັບທີ່ໄດ້ມີການປ່ຽນແປງແກ້ໄຂ ຫຼື ເພີ່ມເຕີມນັ້ນ ເວັ້ນແຕ່ກໍລະນີທີ່ບໍລິສັດກຳນົດຍົກເວັ້ນເປັນຢ່າງອື່ນ ແລະ ລູກຄ້າຕົກລົງໃຫ້ເປັນໜ້າທີ່ຂອງລູກຄ້າທີ່ຈະຕ້ອງສຶກສາສ່າງຄວາມເຂົ້າໃຈ ແລະ ຕິດຕາມກົດໜາຍປະກາດລະບຽບກົດເກນວິທີປະຕິບັດ ຫຼື ຂໍ້ບັງຄັບທີ່ໄດ້ມີການປ່ຽນແປງແກ້ໄຂ ຫຼື ເພີ່ມເຕີມດັ່ງກ່າວຢ່າງສະໝຳສະເໜີ ແລະ ທັນຕໍ່ເຫດການໂດຍຖືວ່າບໍລິສັດບໍ່ມີໜ້າທີ່ຕ້ອງແຈ້ງ ຫຼື ບອກກ່າວໃຫ້ລູກຄ້າຮູ້ແຕ່ປະການໃດ ແລະ ລູກຄ້າຍອມຮັບວ່າການທີ່ບໍລິສັດໄດ້ປະກາດຂໍ້ມູນຂ່າວສານ ຫຼື ລະບຽບວິທີປະຕິບັດ ຂໍ້ກຳນົດກົດເກນໃດໆລົງໃນແອັບພິເຄຊັນ KPV gold ຫຼື ເວບໄຊຂອງບໍລິສັດແລະ ຫຼື ປີດປະການໄວ້ໃນທີ່ທຳການບໍລິສັດຖືວ່າເປັນການແຈ້ງໃຫ້ລູກຄ້າຮູ້ໂດຍທັງໜົດແລ້ວ ແລະ ມີຜົນບັງຄັບທັນທີຕາມວັນເວລາທີ່ບໍລິສັດກຳນົດ ແລະ ລູກຄ້າຕົກລົງຍິນຍອມປະຕິບັດຕາມທຸກປະການລູກຄ້າຕົກລົງ ແລະ ຍິນຍອມໃຫ້ບໍລິສັດມີສິດທີ່ຈະບັນທຶກຂໍ້ຄວາມໃດໆ, ລະຫວ່າງລູກຄ້າກັບບໍລິສັດທີ່ທີຂຶ້ນຜ່ານທາງໂທລະສັບ, ລະບົບອິນເຕີເນັດຫຼືລະບົບອື່ນໆ ແລະ ຈະນຳຂໍ້ຄວາມທີ່ບັນທຶກທັງໝົດຫຼື ບາງສ່ວນນີ້ໄປໃຊ້ເພື່ອປະໂຫຍດໃນການກວດສອບເຖິງຄວາມຖືກຕ້ອງຂອງລາຍການທຸລະກຳແລະເປີດເຜີຍຕໍ່ໜ່ວຍງານລ້າຊະການລວມທັງນໍາຂໍ້ຄວາມທີ່ບັນທຶກໄປໃຊ້ເປັນພະຍານຫຼັກຖານໃນຂະບວນການພິຈາລະນາຄະດີຕາມກົດໜາຍ, ຂະບວນການອະນຸຍາດເຈົ້າໜ້າທີ່ ຫຼື ຂະບວນການວິນິໄສຂໍ້ພິພາກລະຫວ່າງຄູ່ສັນຍາ.
ລູກຄ້າຕົກລົງສະລະສິດຮຽກຮ້ອງ ຟ້ອງຮ້ອງ ຫຼື ດຳເນີນການອື່ນໃດຕໍ່ບໍລິສັດໃນຄວາມເສຍຫາຍໃດໆທີ່ລູກຄ້າໄດ້ຮັບເນື່ອງຈາກການກະທຳ ຍົກເວັ້ນກະທຳການຂອງບຸກຄົນອື່ນໃດອັນນອກເໜືອຈາກການຄວບຄຸມຂອງບໍລິສັດ.
ລູກຄ້າຍິນຍອມໃຫ້ບໍລິສັດເປີດເຜີຍຂໍ້ມູນທັງໜົດ ຫຼື ບາງສ່ວນກ່ຽວກັບລູກຄ້າສະຖານະບັນຊີລາຍການທຸລະກຳ ແລະ ຫຼືຂໍ້ມູນໃດຂອງລູກຄ້າທີ່ບໍລິສັດໄດ້ເກັບຮັກສາໄວ້ໃນທຸກຮູບແບບ ເຊິ່ງລວມທັງບໍ່ຈຳກັດເອກະສານສື່ບັນທຶກສຽງ ຫຼື ສື່ອີເລັກໂຕນິກຕ່າງໆໃຫ້ກັບບໍລິສັດໃນເຄືອ ໜ່ວຍງານລາດຊະການ ບໍລິສັດທີ່ປຶກສາດ້ານຕ່າງໆ ແລະ ຜູ້ກວດສອບບັນຊີຂອງບໍລິສັດໂດຍທັງນີ້ພາຍໃຕ້ນະໂຍບາຍຄຸ້ມຄອງຂໍ້ມູນສ່ວນບຸກຄົນຂອງບໍລິສັດຊຶ່ງໄດ້ປະກາດໄວ້ໃນເວບໄຊ້ຂອງບໍລິສັດແລ້ວ ເຊິ່ງລູກຄ້າໄດ້ອ່ານໂດຍຕະຫຼອດ ແລະ ໃຫ້ຄວາມຍິນຍອມ.
ສັນຍານີ້ໃຫ້ໃຊ້ບັງຄັບ ແລະ ຕີຄວາມຕາມກົດໜາຍ ໃນກໍລະນີທີ່ຂໍ້ຕົກລົງແຫ່ງສັນຍານີ້ຂໍ້ໃດຂັດຕໍ່ກົດໜາຍ ຫຼື ໃຊ້ບັງຄັບບໍ່ໄດ້ ຫຼື ຕົກເປັນໂມຄະຄູ່ສັນຍາທັງສອງຝ່າຍຕົກລົງໃຫ້ຖືເປັນການສະເພາະເລື່ອງ ຫຼື ສະເພາະຂໍ້ທີ່ບໍ່ສາມາດໃຊ້ບັງຄັບໄດ້ເທົ່ານັ້ນໂດຍຍອມຮັບຜູກພັນຕາມຂໍ້ຕົກລົງສ່ວນທີ່ສົມບູນ ແລະ ໃຫ້ມີຜົນບັງຄັບຕໍ່ໄປໃນກໍລະນີທີ່ເກີດປັນຫາໃນການແປຄວາມໜາຍຂອງຂໍ້ຕົກລົງໃດໆໃຫ້ແປຄວາມໜາຍຂອງຂໍ້ຕົກລົງນັ້ນໆໄປໃນທາງທີ່ຈະມີຜົນບັງຄັບໃຊ້ຫຼາຍກວ່າຈະໃຫ້ຜົນເສຍ.
ລູກຄ້າຂໍຢືນຢັນວ່າໃນຄະນະທີ່ລົງນາມໃນສັນຍາສະບັບນີ້ລູກຄ້າເປັນຜູ້ທີ່ມີສະຕິສຳປະສັນຍະສົມບູນ ອີກທັງໄດ້ສຶກສາອ່ານແລະທຳຄວາມເຂົ້າໃຈຂໍ້ຄວາມທຸກຂໍ້ຄວາມ,ທຸກບັນທັດ,ທຸກໜ້າຂອງສັນຍາຢ່າລະອຽດໂດຍຕະຫຼອດແລ້ວເປັນຢ່າງດີ ແລະ ບໍ່ມີຂໍ້ຄວາມໂຕ້ແຍ້ງໃດໆ ທັງນີ້ລູກຄ້າຕົກລົງວ່າຈະບໍ່ຍົກເອົາເຫດຜົນແຫ່ງຄວາມບໍ່ຮູ້ຫຼືບໍ່ເຂົ້າໃຈໃນຂໍ້ຄວາມສ່ວນໃດສ່ວນໜຶ່ງໃນສັນຍາຂຶ້ນໂຕ້ແຍ້ງກັບບໍລິສັດໃນພາຍຫຼັງໂດຍເດັດຂາດ.
PART VI: ເງື່ອນໄຂການເຮັດທຸລະກຳໃນແອັບພິເຄຊັນ KPV gold (ເພີ່ມເຕີມ).
ກໍລະນີທີ່ລູກຄ້າເຮັດການສົ່ງຄຳສັ່ງຊື້/ຂາຍທອງຄຳຜ່ານບັນຊີຂອງລູກຄ້າເຂົ້າສູ່ລະບົບຄຳສັ່ງຊື້-ຂາຍຂອງລູກຄ້າຈະສົມບູນຕໍ່ເມື່ອລະບົບໄດ້ເຮັດການປະມວນຜົນຄຳສັ່ງ ແລະ ສະແດງສະຖານະຢືນຢັນຄຳສັ່ງຊື້/ຂາຍສໍາເລັດໃນບັນຊີຊື້/ຂາຍຂອງລູກຄ້າເທົ່ານັ້ນ.
ໃນກໍລະນີທີ່ລູກຄ້າໄດ້ເຮັດການສັ່ງຄຳຊື້ຄຳເຂົ້າສູ່ລະບົບ ແຕ່ປະກົດສະຖານະຄຳສັ່ງຊື້ໃນລະບົບຂອງລູກຄ້າມີການແຈ້ງຖືຍົກເລິກໃນກໍລະນີເຊັ່ນວ່າ ທາງບໍລິສັດຖືວ່າໄດ້ເຮັດການແຈ້ງປະຕິເສດຄຳສັ່ງຊື້ຄຳລາຍການດັ່ງກ່າວຂອງລູກຄ້າແລ້ວ ຊຶ່ງມີຜົນເຮັດໃຫ້ຄຳສັ່ງຊື່ລາຍການນັ້ນບໍ່ສົມບູນ ແລະ ລະບົບຈະບໍ່ເຮັດການສົ່ງມອບຄຳເຂົ້າສູ່ບັນຊີຊື້/ຂາຍຂອງລູກຄ້າ ໃນທຸກກໍລະນີຫາກປະກົດວ່າ ບັນຊີທະນາຄານຂອງລູກຄ້າມີການຖືກຕັດເງິນໄປເພື່ອຊຳລະຄ່າຄຳຕາມຄຳສັ່ງຊື້ທີ່ຖືກຍົກເລິກໃຫ້ຕິດຕໍ່ກັບບໍລິສັດ, ພາຍຫຼັງຈາກທີ່ຮັບເລື່ອງ ບໍລິສັດຈະເລັ່ງດຳເນີນການປະສານກັບທະນາຄານເຈົ້າຂອງບັນຊີຂອງລູກຄ້າເພື່ອໃຫ້ດຳເນີນການສົ່ງຄືນເງິນເຂົ້າສູ່ລະບົບບັນຊີທະນາຄານຂອງລູກຄ້າ ທັງນີ້ໄລຍະເວລາດຳເນີນການຂຶ້ນຢູ່ກັບເງື່ອນໄຂ ແລະ ຂໍ້ກຳນົດຂອງແຕ່ລະທະນາຄານ ໂດຍປົກກະຕິຈະໃຊ້ໄລຍະເວລາ 1 ຫາ 3 ວັນ ແລ້ວແຕ່ກໍລະນີ.
ໃນກໍລະນີທີ່ລູກຄ້າເຮັດການສົ່ງຄຳສັ່ງຂາຍ, ເມື່ອລະບົບໄດ້ເຮັດການສະແດງສະຖານະຢືນຢັນວ່າຄຳສັ່ງຂາຍສຳເລັດ ແລະ ມີການຕັດຄຳອອກຈາກລະບົບບັນຊີລູກຄ້າແຕ່ປະກົດວ່າລູກຄ້າຍັງບໍ່ໄດ້ຮັບການຊຳລະລາຄາຄຳທີ່ໄດ້ສັ່ງຂາຍ ໃຫ້ຕິດຕໍ່ຫາບໍລິສັດພາຍຫຼັງຈາກທີ່ຮັບເລື່ອງ ບໍລິສັດຈະເລັ່ງດໍາເນີນການປະສານກັບທະນາຄານທີ່ລູກຄ້າຜູກບັນຊີໄວ້, ເພື່ອທຳການນຳເງິນທີ່ທະນາຄານໄດ້ຫັກຊຳລະໄວ້ຈາກບໍລິສັດສຳເລັດຊຳລະເຂົ້າສູ່ບັນຊີທະນາຄານຂອງລູກຄ້າຕໍ່ໄປ, ທັງນີ້ໄລຍະເວລາດຳເນີນການຂຶ້ນຢູ່ກັບເງື່ຶອນໄຂ ແລະ ຂໍ້ກຳນົດຂອງແຕ່ລະທະນາຄານ ໂດຍປົກກະຕິຈະໃຊ້ໄລຍະເວລາ 1 ຫາ 3 ວັນ ແຕ່ກໍລະນີ.